Statif pa pinta

Esaki ta un statif ku mi a desaroyá pa ora ku ta bai pinta, sea den naturalesa òf paden.
Ora bo kier wak un parti di naturalesa òf algu otro pa pinta, bo ta mira asina tantu kos pareu, ku bo no sa na unda tin di kuminsá. Pa bo haña un kuadro manera bo kier, bo mester hasi uso di e statif aki. Dor di wak den e bentana aki bo ta skohe e parti ku bo ta deseá pa pinta. Wak e skal di fruta riba e foto. Lokual bo ta wak den e bentana ta lokual ku ta bira e pintura. Di e forma aki bo por komponé e kuadro promé ku kuminsá pinta.