proverbionan 31:10-31

Un bon esposa  

Un bon esposa no ta fásil pa haña.

E bal mas ku piedra presioso.

Su esposo tin pleno konfiansa den dje, i lo pasa bon serka dje.

Henter su bida e ta hasi loke ta kumbiní su esposo, no loke no ta kumbiní e.

E ta perkurá p’e tin lana i material pa traha lenen. I ta hasi su trabou ku plaser.

Su kasa ta respetá den pueblo.

E ta papia ku sabidoria

E ta wak pa tur kos bai bon den su kas i nunka e no ta sinta pòrnada.

Su yunan i su kasá ta gab’é.

Nan ta bisa:

“Tin hopi mama bon, pero niun no por igualá bo.”

Aparensia ta gaña hende, i beyesa ta pa un tempu, pero felis e muhé ku ta teme Dios.

Henter pueblo ta dun’é honor pa tur loke el a hasi.

 

Romano 12

Debernan di bida kristian

Stima otro sinseramente. Odia maldat i pega boso kurason na loke ta bon. Stima otro di kurason, ku amor di ruman i sea esun promé pa respetá otro. Traha ku zelo i no hasi kos di floho; sirbi Señor ku un kurason ferviente.

Laga e speransa ku boso tin hasi boso kontentu; perserverá den tempu di tribulashon; resa konstantemente. Kontribuí  pa kubri e nesesidatnan di e pueblo santu i praktiká hospitalidat. Bendishoná esnan ku ta persiguí boso; bendishoná nan, no maldishoná nan.

Sea kontentu ku esnan ku ta  kontentu; yora ku esnan ku ta yora. Biba den harmonia ku otro. No sea orguyoso, pero hasi trabou humilde. No sea arogante.

No paga malu ku malu. Hasi loke ta bon abiertamente. Biba na pas ku tur hende te kaminda esei ta dependé di boso. Keridonan, no tuma vengansa boso mes, pero laga Dios kastigá. Pasobra tin skibí ku Señor ta bisa:

“ami lo tuma vengansa;

“Ami lo paga bèk” pero tambe E ta bisa: “si bo enemigu tin hamber, dun’é di kome; si e tin set, dun’é di bebe. Pasobra bo ta pone su kara kai di bèrgwensa.”

No laga maldat vense boso, pero vense maldat ku loke ta bon!

 

Lukas 16:10:12

10     Esun ku ta fiel ku kos chikí, lo ta fiel ku kos grandi i esun ku ta desonesto ku kos chikí lo ta deshonesto ku kos grandi tambe.

 

12     Anto si boso no tabata di konfia ku loke ta pertenesé na otro, ken lo a duna boso loke ta pertenesé na boso?

 

Deuterronomio 24

No kasa ku e mes muhé pa di dos be.

1 korintionan 13-4

Amor

Amor sa di soportá i ta bondadoso, e no ta envidioso; amor no sa broma, ni ta orguyoso. E no ta grosero, ni egoista; e no sa rabia lihé, ni warda renkor; e no ta keda kontentu ku inhustisia, pero ku bèrdat sí. Amor semper ta perseverá, semper ta kere, semper ta spera i keda soportá.

Amor ta dura pa semper.

Hebreonan 11 verso 1

Fe

Fe ke men ku nos ta sigur di e kosnan ku nos ta spera di risibí i ku nos ta kombensé di realidat ku nos no ta mira.

1 Timoteo 3

Esnan ku por guia iglesia

Loke ta sigui ta sierto: si un hende ta anhelá pa bira un lider di iglesia, ta un bon tarea e ta deseá. P’esei un lider di iglesia mester ta ireprochabel: e mester ta fiel na su kasa i hiba un bida moderá; e mester ta huisioso, ku bon manera, hospitalario i kapas pa siña otro hende. E no mester ta un buraché òf buskadó di pleitu, pero un hende amabel i pasífiko, ku no ta stima plaka. E mester por manehá su kas bon i kria su yunan pa nan ta obedesidu i mustra rèspèt den tur situashon. Pasobra si un hòmber no sa kon manehá su kas di famia, ta kon e por kuida iglesia di Dios? Esun ku ke bira lider no mester ta un hende resien kompartí tampoko, pa e no hincha di orguyo i haña mesun kondena ku diabel. Ademas e mester ta un hende respetá serka esnan ku no ta pertenesé na iglesia, pa e no pasa bèrgwensa i kai den trampa di diabel.

1 Timoteo 2: verso 11 te ku 15

Hende muhé

Hende muhé mestér keda ketu ora ta siña nan; nan mester ta kompletamente sumiso. Mi no ta permití hende duna siñansa ni tin outoridat riba hende hòmber; nan mester keda ketu. Pasombra Dios a krea Adam promé i despues Eva. Anto no ta Adam ta esun ku a keda engañá; ta e muhé a keda engañá i t’e a desobedesé palabra di Dios. Pero hende muhé lo keda salbá pa medio di hañamentu di yu, si nan sigui ku sano huisio den fe, amor i un bida santu.

Love is patient, love is kind.
It does not envy, it does not boast, it is not proud.
It is not rude, it is not self-seeking, it is not easily angered,
it keeps no record of wrongs. Love does not delight in evil
but rejoices with the truth. It always protects, always trusts,
always hopes, always perseveres. Love never fails.

- The Bible : 1 Corinthians 13:4 -

 

Marriage is not a ritual or an end.
It is a long, intricate, intimate dance together and nothing matters more
than your own sense of balance and your choice of partner.